hei liebi lüt vor chaute schwiz

scho isch wider ä wuche verbii..und wider isch zimlech viu passiert i dere zit. letscht mänti bini bi mire au pair familie iizoge. d'christina (d'muetter) isch mi am morge mit em outo cho abhole..mir hei scho nume männlechi hiuf brucht zum mi schwär koffer i ire jeep z'lüpfe :)

när simer i botanic garden gange (übrigens ä wunderschöne riise park..wie im tschungu), wo si sech mit angere müettere und dene ihrne babys troffe het. für mi isches nid wük spannend gsi aber irgendwie amüsant dne müettere zuezluege, wi si ihri ching füettere und umelüpfe...und gägesitig sech ratschleg gäbe. und z'beste finfi immer wenn si sech so drüber föie wenn ihres baby id windle gmacht het.. "oh you did a poo...good girl :) "..oder so ähnlech.

när simer de ändlech mau hei und i ha mi chli chönne iirichte. im momänt wohni aber no im chinderzimmer vor arielle (ds isch d'tochter vom vater..dä het scho 2 ching ka inere früechere ehe). i öppe 2 oder 3 wuche bechumi de mis eigete zimmer. ds müesse si aber zersch no umboue wüus im momänt no ä garage isch.. i darf de d'wänd i mire wunschfarb aamale :) ratete mau weli ds i nime..??

genau pink :)

während de angere täg ir letschte wuche bini vorauem viu mit dr christina mitgange, drmit i chli gseh was si so macht. si isch ja ä uhredesignere..d.h. si het es büro wosi ihri uhre kreiert und d'einzuteili zämesetzt..und verschickt. i dere zit wosi schafft muessi abues ufd'avalon ufpasse (name vom baby).

am mittwuch bini zerscht mau am abe mit dr chline elei gsi..i ha se badet und cremet und iz piji gsteckt und se chli i schlaf gwiegt..aber schlafe het si eich nid wöue..nume schreie. de hetz hat nüt angers gä aus se i ihre wiegstuh z'setze und se ihri chindershow im fernseh la zluege..5 min speter het si tief gschlafe und i bi zimlech erliechteret gsi!!

ah ja natürlech nid z'vergässe mini erschti fahrstung im linksverkehr...isch gar nid so schlächt gange. (fahre zum glück imene jeep de bisch schön hoch obe :) )

am friti heimer d'arielle und dr jared vor schu abghout..sprich i ha die 2 denn zerschte mau troffe. si wohne ja jedi 2.wuche bim vater (aso bi üs...) 

zmodi isch 11 und dr giu isch 9i..und si beidi ganz härzigi :)

am samsti hani mi mit dr lea troffe und mir si zerscht in bondi junction i ds riise ichoufszäntrum chli ga shoppe..när simer id stadt gange, i botanic garden wüu dä eich wük höllä schön isch (müesst de d'pix luege) und schliesslech simer nach emene riise marsch in darling harbour aacho, womer si ga znacht ässe. zwüsch inn hets immer wider höllä grägnet!! aber es isch trotzdäm schön warm gsi!

und iz chunnt zbeste: wiehnachte si ja hie o scho gli, nid wahr..und drum wärde hie ettlechi wiehnachtsböim ufgsteut..nume gseh die hie chli angers us. viu meh liechtli und kitsch..und si si natürlech us plastik. :)

aso..ig ud lea si bim darling harbour und gseh ds sech viu lüt um dä riise boum versammlet het und uf dr bühni verssammlet sech grad ä chor.. ig u d'lea gö dert häre und lluege zue. ä frou chunnnt uf'bühni und singt es paar popwiehnachtslieder..und ching singe mit oder o nid..und denn chunnt ä special guest ufd' bühni.. WÄR?

nei nid dr samichlous..o nid dr schmutzli..o süsch nüt logischs..sondern dr SPONGE BOB!!

dä chunnt aso ugd' bühni aui juble und si singe witer...dir müesst de unbedingt z'video aaluege..d'lea hets ufgno :)..chli speter isch de o no ä samichlous cho..aber chli ä junge..und dr boum isch aaglüchtet worde und es het es riisigs füürwärk gä :)

füürwärk hei d'australier gloub augemein gärn..wüu si imer mau wider eis hei..u de nid chlini!

am sunnti bini mit dr familie i luna park..dä isch grad vis a vis vor harbour bridge und vom opera house..dr jared isch fasch usgflippt..dä isch sone luna park fan ds chöit dir öich gar nid vorsteue..:) ind am nami bini mit dr lea no ä costal walk ga mache und chli am strand ga umetschille :) ds het gfägt!

jetzt fat die 3. wuche in sydney a.. :) bi gspannt was da aues so passiert!

machets guet, bis gli

  

hallo dort drüben

bei mir hat sich einiges getan in den letzten 48 stunden...

ich habe nun alle drei familien kennengelernt..eine total anders als die andere.

angefangen hat es mit der familie pincott. 4 kinder ( 7, 4, 3, und 9 monate) tönt nach viel arbeit und wäre auch viel arbeit..ihr haus  befindet sich ziemlich weit ausserhalb der stadt und auch weit entfernt vom meer..die wohnung ist ein riesen sau*****..eigentlich verständlich bei sovielen kindren. mein zimmer würde sich im unteren bereich des hauses befinden, welcher nur durch den garten erreichbar wäre..

sprich nid sehr agnähm..und d'wohnig isch sit mänge jahr nüm brucht worde..d'wänd chöme obe abe, dr bode löst sech uf und aues isch vou mit loub und co. ...nach 20. min hani definitiv gnue gseh..nice family aber nid für mi.

am samsti hani 2 witeri familie troffe..

die ersti wohnt in malabar, ds isch zwar o usserhaub vo sydney aber wenigstens grad am meer und ir nechi vom bondi junction :)

d'eutere si no relativ jung..was heisst scho relativ ;), und hei äs 9 monatigs meitschi..si bsitze es boot grad vor dr harbour bridge..und dert verbringe si vili nächt druf.. usserdäm düe si sehr gärn skifahre und wei mi für skiferie mit nach new zealand nä :)

..si wohne inere härzige wohnig si no grad fertig am umboue. d'mueter designt uhre..und dr vatre isch viu uf gschäftsreise. är het o no 2 ching usere angere ehe.. die si 12 und 9 i

so iz chunnt di dritti familie:

wohne duet si in bellevue hill- wis dr name scho seit super lag und super ussicht und super richi lüt..

i ha mi i dere villa in 2 meter entfärnig vor muetter und ihrer jüngste tochter dörfe setzte und au ihri frage beantworte.. z.b. : do you like cooking? which is your current diet? do you know a lot about computers? do you wake up early in the morning?...usw.

und ds si mini ufgabe:

clean up rooms

do the hoovering every monday and friday

listen to the kids while practising piano and cello

cook dinner

clean up kitchen

give water to the plants

bring children to school and catch them up again

bring children to the cinema and go to the restroom with them--because it's too dangerous for them (si si 8i und 9i...)

help them with homework

help them with computerpresentations for school

do the laundry twice a day

get up at 6.30 every day and prepare breakfast

prepare morning and afternoon tea for kids

tidy up their mess

dance with them

from 3 pm to 8 pm : full house--

...

dir gseht säuber..

ja..aso obwou dä palast ganz schön isch und d'ussicht o nid schlächt wär hani mi für familie 2 us malabar entschide..si eidütig di sympatiste gsi!

am mänti wirdi wahrschindlech bi ihne iizie.

so aber näbe au dene interviews hani o no äs paar angeri sache gmacht. z.b. bini a bondi beach. ds isch ä hammer strand vou mit surfer und skater und und und.. :)

oder in bondi junction bini o no gsi.. ds isch vou mit hippe läde und beize und junge lüt wo dr lifestyle vo sydney gniesse

am friti abe heimer no gburi gfiiret vom jüngste sohn vo dere fammilie woni im momänt no wohne..

zersch heimer üs aui bi ihm dehei troffe und mä het afa trinke.. wodka, champagner und no meh wodka.. wo dr grösst teil aatrunke isch gsi het mä sech ufe wäg gmacht richtig the rocks (ds isch in sydney säuber)..eigentlech heimer wöue dr zug näh..dä isch aber nid cho und o dr bös het gstreikt..und rum het sech dr vater churzerhandaus taxi anerbote. -> 8 lüt imene 5 plätzer :)

aacho simer voremene kuule clud..zimlech gross und sehr guet bsuecht :)

nachere churze wartezit heimer üs o dene tanzende lüt agschlosse und geburi gfiiret bis...

 gloub sydney schlaft nie..früe am morge isch die stadt emu no immer überfüut gsi

morn (sunnti) heimer de no äs barbecue bi mire familie dehei um si geburi no mau zfiire :)

är isch übrigens 21 worde..was hie wäg de amis zumene spezieue geburi erklärt worde isch.

no öppis zum wätter:

gester isches sehr schön und heiss gsi

hüt isches super stürmig und eher früsch

ussichte: unbeständig

so ds wärs gsi füre momänt :)

take care 

cheers

nicoletta

hi everybody

i bi iz scho sit es paar täg uf em rote kontinänt am umehopse und es isch o scho zimlech viu gloffe i dere zit.

am zischti morge früe bini z'sydney glandet und nachdäm i de ändlech mau mis gepäck gfunge ha und i dür au die sicherheitsschlöisene bi cho het mi dr vater vo dere familie wo ig für die erschte täg wohne härzlech empfange. obwou i denn totau müed bi gsi hani probiert dr ganz tag dürezhaute und nid izschlafe..was zimlech schwirig isch gsi!! drfür hani so dr jetlag zimlech guet chönne umga :)

am mittwuch bini zum erschte mau ids stadtzäntrum ine..dert isches würklech wunderschön :) usserhaub i au dene suburbs merkt mä eigentlech gar nid das me inere grossstadt isch. umso schöner isches drfür weme mau din isch. 

ja und näbem stadtentdecke hani o no gspräch ka mit dere au pair koordinatorin. si hiuft mir i de nächschte täg ä famillie zfinde wo ig de o für di räschtleche 6 mönet cha blibe. i däm büro wo si schafft (heisst work n' holiday) hets no ganz viu anderi jungi ka wo aui o sones work and holiday visa hei wi ig und dert am jöb sueche si :)

ja i dä nächschte täg wirdi de drü familie ga bsueche und när chani mi de für eini entscheide...

bis gli machets guet, luv