g'day mates

soo...mini letschti wuche hie z'sydney isch aabroche..aber zersch schribe mer mau no, was letscht wuche aus so passiert isch :)

am sunnti bini as coldplaykonzärt ir acerarena z'sydney gange. ds isch dr absolut ober hammer gsi!! ächt i ha 2 wahnsinns stunde erläbt :). mir si ätra chli früecher häre gange..hei dert aber zerscht mau no öppis znacht gässe und si öppe ä stund bevor di ersti vorband het afa spile zur arena übere. dert heimer es bändeli becho und hei zerscht mau müesse a bode hocke...die hei sones spezieus system. anstatt ds si aui lüt eich ine lö sobaud ds d'türe göffnet si, mache si  so öppis wie blöck. d.h. mä het när ke chance me fürezrängle, wüu dert scho dr früecher block steit..uf jede fau simer no zimlech wiit vore ar bühni xi.. :D die 2 vorbands si ni so dr hammer xi aber d'vorfröid isch drfür immer grösser worde! ja äbe u när isch coldplay ufd bühni cho und vo däm momänt aa isch ir ganze arena ä wahnsinns stimmig xi.

am nächste tag heimer aui nomau es BBQ gmacht..eis vo de letschte hie z'sydney. leider.

d'lea u i si am letste sunnti no a palmbeach gange. dä isch zimlech im norde vo sydney. mit em bös muessme ungefähr eine haub stung fahre. d'umgäbig isch uu schön und vorauem d'hüser si dr hammer. dert usse chunnt o richtig frie stimmig uf..mit de chline dörfli und dorflädeli de fish & chips ständ und de grosse, goudbrune stränd...

zur chrönig vo mim sydney ufenthaut hets letscht mänti o nomau ä heialarm gä..isch immer wider schön..haha

ah ja und nid z'vergässe: i ha ja letscht wuche mi letscht arbeitstag bi 2evolve ka..ds isch o ä schöne momänt xi :) i bi mit mim team und mire cheffin im pub no eis ga zieh zum abschluss und ha ihre mini lääri mappe chönne abgää :). mis team wirdi äuä chli vermisse..vorauem ai di nörglereie und insiders..especially am chris sis "luunch at une"..hehe

am wuchenänd bini wider mau bi dere familie ga znacht ässe, woni vorhär für ne monet gwohnt ha..dr robert (sohn) isch o dert xi..mir heis zimlech witzig ka..und i ha mi när entschide d'nacht grad dert zverbringe. 1. isches ä wiiiite wäg hei. 2. isch mini zimmernachbarin chrank (nachteil bimene shareroom..we di einti chrank isch isches di 2. äuä o gli). und 3. hani scho irrsinnig lang nüm imene ruhige zimmer gschlafe. es het aso viu drfür gsproche. am morge bini gloub so usgruhit xi wi scho laaaaang nümm..und es feins zmorge hets o no gä. i has emu höllä gnosse :)

und äbe sit em mänti bini iz di ganz zit am ume renne um no di letschte sache für mini reis z'choufe..iz hani grad dr wachs vo mim board abkratzet..und packe muessi o no.

ds isch aso mi letscht iitrag us sydney. es tschuderet mi grad weni ds schribe..mann i bi doch ersch grad aacho!!

i hoffe, i wirde d'glägeheit ha hin und wider ungerwäxs öppis i mi blog zschribe..so, ds dir mini reis o chli chöit mitverfouge!!

take care buddies and talk to you soon,

yours 

niky

hello guys

how is life?

sind er no immer im schnee gfange :)?

mir händ en zimli komische summer ka da in sydney. iigstellt hanich  mich ja ufnen total heisse summer, wome nume schwitzt und vo eim shopping centre is nöchste rännt , demit me sich wider chan abchüehle..aber das isch gar nöd wükli nötig gsi..

bis im dezämber isches öppe so um die 25 grad xi, also zimlich aagnehm. dänn plötzlich isches heiss worde..und immer heisser. d'spitze isch bi 45 grad xi..und dänn isch au niemer meh grännt..ehnder gschliche oder gar nüme erscht usem hus gange..ussert mä hätt müese go schaffe verusse, wie ich dänn...

dänn wo die buschfüür in victoria sind  gsi, hätts bi öis grägnet. 2 wuche lang..und sither hämer herbscht. d.h. temperature so um die 25 grad (wie dänn im dezämber). isch eigentlich ganz aagnehm..halt wie en summer i de schwiz. witzig isch nume, dasses  chli nördlicher oder chli südlicher vill heisser isch als bi öis..tia.

d'sunne gat da au mega früeh unter. scho am halbi achti wirds dunkel...ganz anders als i de schwiz. det hämmer ja amigs hell bis am 10i..

im momänt binich grad alles für mini reis am vorbereite. die fangt ja scho i 2 WUCHE a :)

ich fröi mich sehr druf..sydney isch zwar schön und es isch au lessig zum da wohne..aber nachere gwüsse zit isch e veränderig amix zimli wichtig..und das wer jetzt ebe de fall.

aber bis es losgaht muess ebe au no vill erlediget werde.

hanich öi scho verzellt, dass ich mir es surfboard kauft han? 

..es isch perfekt :) ...grüen..aaah wonich mit dem usem lade bin cho hanich mich gfüehlt wie ah wiehnachte :)...sones schöns gfüehl

zum dank hätts ja grad dänn 2 wuche lang grägnet..d.h. no surfing for nicoletta..z'hairisiko isch vill z'gross gsi.

eini vo mine näbebeschäftigunge da isch is kino ga..ich han sicher scho um di 11 filme gseh..immer am zischtig. dänn  isches nume no 10 dollar :)

ich han scho:

-slumdog millionaire

-bride wars

-new in town 

-twilight

-7 pounds

-he's just not that into you

-confessions of a shopaholic

-marley and me

-revolutionary road

-australia

-rachel getting married

..gseh..ich weiss di meiste sind nöd zimli hochstehend..aber immer no guet gnueg zum sich chli amüsiere..

möglicherwiis hanich no anderi gseh aber a die mag ich mich nüme erinnere.

abgseh vom kino gits natürlich au no anderi freizitbeschäftigunge. surfe z.b. aber das ligt ja uf de hand :) oder am abig am strand une de sunneuntergang gnüsse..en smoothie schlürfe..BBQ's mache...oder oder oder :)

jetzt  isch eine grad vor minere nase de rase am meihe..so dass ich mini kuuli musig nüme köre...merci!

es hät übrigens e chlini reiserouteänderig ge..anstatt direkt vo perth nach alice springs gats zerscht no uf darwin und dänn mitem zug is zentrum.. :)

well see you guys later..stai pulit,

yours, niky