hello everybody :)

sooo... i bi wider zrügg z'sydney. letscht wuche bini ufne surtrip gange. agfange hets z'sydney am 15.12., womer üs aui (44lüt) im car troffe hei. aus ersts simer grad mau 6 stung zum erste camp gfahre "crescent head".  am nami hets de o scho di ersti surfstung gä :). mir hei üs müesse i die wetsuits inezwänge und öppe 2km am starnd entlang jogge bis mer üse ort erreicht hei. derr hei mer aui äs riise softboard entgäge gno und üs ufem strand breitgamcht..zersch gits aubes ä trocheüebig. d'boys hei sech när grad dörfe im meer bewiese..wüu me ja anschinend weiss ds die aus iimer grad sofort chöi ;)..d'girls si zersch mau ä stung lang ga bodysurfe..isch o rächt witzig gsi!! när hei de o mir mit em brätt id wäue chönne. die erste versuech si rächt frustrierend gsi. und mä isch di ganzi zit vo dene wäue brätschet worde.aber lustig isches glich gsi :) ! nach 3 stung  heimer de d'ehr ka wider zrügg ids camp z'jogge :)

 

z'ässe dert isch uf jede fau dr hammer gsi! uf ds het me sech nach soviu sport o immer gfröit.

dr abe heimer bimene grosse lagerfüür verbarcht..und me het  sech afa kennelerne.

am zisti morge haubi achti hei si eim gwckt und scho ä stung speter simer i üsem wetsuit scho wider im meer gstange! am zisti isch aues scho viu besser gange. mä hets ändlech gschafft ufzsta ufem brätt..am nami simer nomau für 3 stung id wäue u när isch dr zisti os cho wider düre gsi.. z'schwirigste am surfe hani z'inega ids meer gfunge, wüus so eländi strömige het ka..

am abe simer no mau chli ga party mache am strand vore..und öppis wirdi nie vergässe: dr stärnehimmu isch dert  so schön wi süsch niene!!!

ja när isch äbe scho wider mittwuch gsi..am morge simer nomau am gliche ort  ga surfe..dr eint lehrer isch cho fötele :) het witzigi pix gä :) ..i bi "the surf of the day" worde..und dä name hani vones paarne wosech mi richtig name ni hei chöne merke o bis am schluss  phaute.. :)

am mittag simer witer gfahre zum 2. camp am spot x. ds isch ganz angers gsi aus z'erste..viu grösser und meh sone paty versammlig...im esrte camp isch nume üsi gruppe gsi und es isch wük o ums surfe gange.. aber o im 2.camp isches gard mit surfe witer gange. i ha uf jede fau mega viu spass ka bim surfe!! und übrigens :) i ha define gseh!!! und lots of kangaroos und o no es opossum wosech i üsem camp blöderwiis verirrt het...

d'zit isch verdammt schnäu verbi gange..und drum isch äbe de o scho wider friti gsi..am morge heimer no ä competition am strand gmacht..die isch zimlech amüsant si..es wär eich drum gange ds die gruppe gwinnt wo aus ersts jede vor gruppe 2 wäue gstande het..aber wichtiger isch dr gruppefun gsi..je meh scheiss me gmacht het dseto meh pünkt het meh becho..chöit nech äuä säuber vorsteue was für scheiss me am strand macht...

nachem surfe simer mitem car nach byronbay gfahre. dert hei die meiste no ei nacht im hostel verbracht..mir ehi zäme gässe u si när no zäme ga d'nacht dürefiire :) clubs und pubs hets z'australie zimlech kuuli..mit live bands :)

ig ud'lea si am samsti morge...sehr früe... mitem greyhound bös witer nach brisbane gfahre..vor reis heimer gloub beidi nüt mitbecho..und dr bös isch o totau läär gsi. z'bbrisbane heimer im hostel iichecked..u si när im botanicgarden   üs chli ga erhole:)

schlafe het me im 8er zimmer eich o nid würklech chönne..zmitzt ir nacht het eine gmerkt ds sis zimmer bsetzt isch u när isch sone security typ cho, het vo aune d'näme wöue und di einti het när müesse z'zimmer verla wüu si fausch iibuechet worde isch..  i hät lieber si phautet wüu dä wo när unger mir gschlafe het ä super schnarchler isch gsi.

am sunnti si i u d'les brisbane ga entdecke. zersch chinatown..när mit dr fähri ir stadt umekrvt..när simerid art gallery (die isch übrigens sehr schön!!) und speter heimer de ching im künstlech aagleite stadtstrand bim plantsche zuegluegt :)

ja...was no? ir stadt louft unungerbroche wiehnachtsmusig...aber bi mir het o ds nid viu zur wiehnachtsstimmig biitreit..

am mänti simer no ufene bärg gfahre vo wome di ganzi stadt het chönne gseh. und am abe simer de wider zrügg nach sydey gfloge..isch chli ä turbulänti landig gsi..aber mir heis zum glück überläbt!!

so i wünsche öich aune ganz schöni wiehnachte, häbets guet und bis gli wider!!

take care , hugs

niky