hei guys

aus ersts hoffi mau, ds dir aui guet ids nöie jahr gsuuset sit..!! dir chöit nech ja vorsteue wi ds hie ds sydney zue und här gange isch..am 10 am morge het sech haub sydney scho ä prachtsplatz ufd harbour bridge ergatteret..dert heisi usgharret bis am 12 ir nacht!! es het usgseh wi ufemene riise festivalgländ..überau si ständ ufgsteut gsi, musig isch gloffe und aues isch natürlech abgsperrt gsi für outos und o für die lüt wo zspät si cho..sprich us platzgründ nüm si inegla worde...ds isch scho am 3 am namittag dr fau gsi :)..i u d'lea heis natürlech perfekt gmacht.. mir hei eine kenneglehrt wo tickets het becho fürs opera house..mir hei aso am 6i am abe locker vom hocker no chönne i abgsperrt berich ga. aber o mir hei no 6 stung uf ds geniale füürwärk müesse warte.s'het immer wider bands oder angeri ablänkig gä uds warte isch eich ganz witzig gsi. am 9i am abe hets  mau es ersts füürwärk gä..(für d'ching ds die när chöi ga schlafe :) ) aber ds fürwärk isch scho riiiiisig gsi!! ja und am 12 het de zrichtige fürwärk agfange..mä isch gar nüm usem stune use cho..vo aune site hets klepft!!  nach 10 minute isch dä spass o scho wider düregsi und denn het d'party ersch richtig agfange.. d'stadt isch überfüut gsi mit lüt, aui am tanze und fiire.. mir hätte eich gärn no ine club o.ä. wöue aber dert si d'prise totau überrisse gsi!!und drum heimer üs am 3 am morge no ufe wäg gamcht zum bondi beach..dert wär o ä riise party gsi aber wo mir de ändlech si acho isch die scho fasch fertig gsi. mir hei üs de a strand gsetzt wi hunderti angeri o und hei ufe sunneufgang gwartet..di erste surfer hei sech scho am 5i am morge wider id wäue gworfe..u o viu angeri si ga bade u hei gfiiret :)...

weder ds spektakuläre füürwärk o weit gniesse,

professionell : http://au.youtube.com/watch?v=WLfv2agigz0

oder emotionau: http://de.youtube.com/watch?v=AdyKpH-WGBk

hugs