januar 2009

hei dudes

es isch mau wider zit für ne zwüschebilanz. was hie z'oustralie bis iz zimlech amüsant isch, isch ds me ke ahnig het was am angere tag oder ir nächschte wuche passiert..letscht wuche bini plötzlech zimlechiz schwitze cho..d'familie bi dere wono gwohnt ha isch vo de ferie us schwde zrüggcho und i ha müesse wüsse woni aus nächschts cha übernachte. es heimer zwar aui gseit, dses de nach wiehnachte viu viu eifacher sigi ungerkunft und e job zfinge wüu denn aui backpackers witerreise..aber ds jahr hei si aui nid wöue ga..sprich aui jugis si usbuechet gsi!!!

item am donsti isch d'familie heicho..am zischti drvor bini id stadt gange um mi bi verschidene beize z'bewerbe..zimlech erfougslos..bismi plöztlech eini astusst und fragt öbi ä job bruche...i hami beworbe, am nächschte  tag hani anes mega längs interview müesse..face to face interview hets gä, mä het müesse rouespiu mache und zeige was me druff het und schriftlechi sache hets o no0 gä...wie o immer am mittwuch namittag bechumi z'telefon i heigi dr job :) und e stund speter fingi o no ungerkunft imene student hostel. i wohne iz ir nechi  vom bondibeach...nächscht wuche muessi ines angers hus zie..isch aber nume 5 min co däm wäg woni iz bi..no chli necher am strand... hie fägts zimlech. s' het viu angeri lüt hie ..di meiste us dr schwiz, us holland oder frankrich...mir gö aubes zäme am beach ga barbecuele..oder ungernähme angers züg zäme. isch chli wi inere WG..

ja dir fraget öich sicher was für ne job i mir da ganglet ha..i schaffe aus recruiter für hiuforganisatione wie greenpeace, amnesty international und und und...d.h. i schaffe dusse uf dr strass, a festivals oder angers und biete de lüt jöb a aus fundraiser für die hiufsorganisatione..wesi interessiert si muessi mit ihne es interview mache und se när für nes gruppeinterview iischribe wesi geignet si für dä job... :)

nächscht friti isch hie dr BIG DAY OUT äs riise festival a eim tag..es spile denn 12 bands..und i schaffe denn ar bar..sprich chume gratis zum gnuss :)..

so..see ya soon guys :)

p.s. mir si im momänt inere hitzewäue..d.h. konstanti 38 grad..isch zum teil scho fasch wi im bachofe!! ...weni iz id schwiz würd cho müessti vom bachofe grad diräkt iz gfrierfach..oder umgekehrt, gäu lüku ;)...